Үсік жүріп, дауыл соғады: Қазақстанның бірқатар өңірінде ауа райына байланысты ескерту жарияланды

Қазақстанның бірқатар өңірлерінде ауа райының нашарлауына байланысты ескерту жарияланды, деп хабарлайды "Қазгидромет" РМК баспасөз қызметіне сілтеме жасаған KAZ.NUR.KZ.

17 қыркүйекте күндіз оңтүстікте, Алматы облысының таулы аймақтарында найзағай күтіледі. Солтүстік-батыстан соғатын жел оңтүстікте солтүстік-шығысқа ауысады, таулы аудандарда екпіні 18-23, кей уақытта 28 м/с болады. Облыстың солтүстігі мен батысында өте жоғары өрт қаупі сақталады. Ал Алматыда кешке найзағай ойнайды.

17-18 қыркүйекте түнде Павлодар облысының солтүстігінде, шығысында 3 градус үсік күтіледі.

17 қыркүйекте Маңғыстау облысында солтүстік-шығыстан жел соғады, облыстың солтүстік-батысында екпіні 15-20 м/с күтіледі. Облыс бойынша төтенше өрт қаупі сақталады.

17 қыркүйекте түнде және таңертең Қостанай облысының батсында, солтүстігінде тұман күтіледі. Солтүстік-шығыстан, шығыстан жел соғады, облыстың оңтүстігінде екпіні 15-20 м/с. Түнде облыстың шығысында 2 градус үсік күтіледі. Облыстың оңтүстігінде жоғары өрт қаупі сақталады.

Түнде және таңертең Солтүстік Қазақстан облысының батысында, солтүстігінде, шығысында тұман күтіледі. Түнде облыстың солтүстігінде, шығысында 3 градус үсік күтіледі.

16 қыркүйекте күндіз Түркістан облысының солтүстігінде шаңды дауыл күтіледі. Солтүстік-шығыстан жел соғады, облыстың солтүстігінде, батысында, таулы аудандарында күші 15-20 м/с. Облыстың басым бөлігінде төтенше өрт қауіпі (5 класс) сақталады.

16 қыркүйекте түнде және таңертең Ақмола облысының батысында, солтүстігінде тұман күтіледі. Солтүстік-шығыстан жел соғады, облыстың батысында, оңтүстігінде, шығысында екпіні 15-20 м/с күтіледі. Түнде облыстың солтүстігінде топырақ бетінде 1 градус үсік күтіледі.

Ертең Атырау облысында шығыстан соғатын жел күшейеді, күндіз солтүстік-шығыстан батыста және оңтүстікте облыстың екпіні 15-20 м/с болады. Аймақтың басым бөлігінде аса жоғары өрт қаупі сақталады.

17 қыркүйекте Астанада түнде топырақ бетінде 1 градус үсік күтіледі.

Ертең түнде Ақтөбе облысының оңтүстігінде, күндіз басым бөлігінде солтүстік-шығыстан жел соғады, екпіні 15-20 м/с күтіледі. Облыстың басым бөлігінде жоғары, оңтүстігінде төтенше өрт қаупі сақталады.

17 қыркүйекте Шығыс Қазақстан облысының солтүстігінде, шығысында жауын-шашын (жаңбыр, қар), түнде және таңертен тұман күтіледі. Жел батыстан, солтүстік-батыстан соғады, түнде облыстың солтүстік-батысында, күндіз облыстың басым бөлігінде 15-20, екпіні 25 м/с. Түнде облыстың солтүстігінде, шығысында 4 градус үсік күтіледі. Облыстың батысында, оңтүстігінде, орталығында жоғары өрт қауіпі сақталады.

Абай облысында солтүстіктен, солтүстік-шығыстан жел соғады, түнде облыстың оңтүстігінде, күндіз облыстың басым бөлігінде 15-20, екпіні 23-28 м/с. Түнде облыстың шығысында, орталығында 3 градус үсік күтіледі. Облыстың оңтүстігінде төтенше өрт қаупі сақталады.

17 қыркүйекте күндіз Қызылорда облысының шығысында, батысында, орталығында найзағай күтіледі. Күндіз облыстың орталығында шаңды дауыл. Жел солтүстік-шығыстан соғады, түнде облыстың орталығында, шығысында күші 15-20 м/с, күндіз облыстың басым бөлігінде 15-20, орталығында 25 м/с күтіледі. Облыстың басым бөлігінде төтенше өрт қауіпі, солтүстік-шығысында, солтүстік-батысында жоғары өрт қауіпі сақталады.

Ертең Ұлытау облысында солтүстік-шығыстан, шығыстан жел соғады, облыстың солтүстігінде, оңтүстігінде, орталығында екпіні 15-20 м/с. Облыстың басым бөлігінде жоғары өрт қауіпі, облыстың солтүстігінде, оңтүстігінде төтенше өрт қаупі сақталады.

Жетісу облысының батысында, солтүстігінде, орталығында солтүстік-шығыстан жел күтіледі, екпіні 15-20, күндіз Алакөл көлдері ауданында кей уақыттарда 23-28 м/с.