"Жоғары технология қолданылса, қолдаймыз": экология министрі АЭС туралы айтты

Экология министрі Ерлан Нысанбаев атом электр станциясының қоршаған ортаға ықтимал зияны туралы айтты. Бұл туралы KAZ.NUR.KZ тілшісі хабарлайды.

Министрдің сөзінше, ол АЭС-ті қолдайды. Жоғары технология қолдансақ, зияны азырақ болады деп отыр.

"Экологиялық жағынан жоғары тиімділікке ие технологиялар қолданылса, біз АЭС-ті қолдаймыз. Біз әлемде мұндай технологиялардың бар екенін білеміз. Қоғам осы бастаманы қолдайтын болса, өз компетенциямыз шеңберінде ол жобаны егжей-тегжейлі қарастыратын боламыз", - деді ол.

Журналистер министрден "АЭС-тің Балхаш көліне әсерін зерттеп көрдіңіз бе?" деп сұрады.

"Балхашқа қатысты айтатын болсақ, бұл Су ресурстары министрлігінің құзыретінде", - деді министр.

Айта кетейік, бұған дейін Қазақстанда АЭС бойынша референдум өткізілетінін, оған 15,5 млрд теңге жұмсалатынын жазған едік. Мұны Орталық сайлау комиссиясы мүшесі мәлімдеген еді.