Астанада тұрғын үй кешені заңсыз салынып жатыр: ІІМ қазақстандықтарға үндеу жасады

ІІМ Астанада тұрғын үй кешенінің құрылысына тыйым салынғанына қарамастан, пәтерлерді заңсыз сатып жатқан құрылысшыларға ескерту жасады. Бұл туралы KAZ.NUR.KZ тілшісі хабарлайды.

Ведомствоның Telegram-арнасындағы ақпаратқа сүйенсек, Астана полициясы Kaztelematicа ЖШС, Kaztelematica group ЖШС және Building company ЖШС басшыларына қатысты алаяқтық фактісі бойынша қылмыстық іс қозғады. Олар осы тұрғын үй кешенін салуға арналған үлескерлердің ақшасын алдап алған.

Қазірдің өзінде полицияға 110 жәбірленуші шағым түсірген. Сотқа дейінгі тергеу барысында зардап шеккендердің саны әлдеқайда көп екені анықталды.

Полиция Ayana Plaza тұрғын үй кешеніне ақша салмауға қатаң кеңес береді. Ал аталған компаниялардың басшыларының әрекетінен зардап шеккен азаматтар Астана қаласы, Сейфуллин көшесі, 37 мекенжайы бойынша қалалық полиция департаментіне жүгіне алады.