Белгілі алаштанушы Ғарифолла Әнес өмірден өтті

Алаштанушы, ғалым Ғарифолла Әнес 67 жасында өмірден өтті. Бұл туралы А.Байтұрсынұлы атындағы Тіл білімі институтының бас ғылыми қызметкері Қыздархан Рысберген Facebook-тегі парақшасында хабарлады.

"Қазақ ғылымы, мәдениеті орын толмас қазаға ұшырады. Алаш азаматы Ғарифоллла Әнестен айырылып қалды. Бақұл бол, қайран дос, аяулы Ғареке", - деп жазды Қыздархан Рысберген.

Х. Досмұхамедов атындағы Атырау университеті ресми сайтындағы мәліметіне сүйенсек Әнес Ғарифолла 1957 жылы Құрманғазы ауданы Балқұдық ауылында туған. 1979 жылы ҚазМУ- ды бітірген.

Ғалым, Қазақстан Журналистер одағының мүшесі. 1980 жылдан бастап Ұлттық ғылым академиясының Тіл білімі институтында ғылыми қызметкер,

"Ана тілі" газетінде бөлім меңгерушісі қызметін атқарған. Репрессияға ұшыраған Қазақстан зиялыларының мұрасын зерттейтін "Арыс" қорының президенті болды.

Ғылыми жұмыстары қазақ тілінің тарихына, этимология мен лексикология, Махамбет шығармаларының тілі мәселелсріне арналған. Х.Досмұхамедовтың "Аламан" және "Исатай - Махамбет" жинақтарын, "Наурыз: жаңғырған салт-дәстүрлер" , "Бекет ата" кітаптарын құрастырып, шығарушылардың бірі. Алаш зиялыларының тағдыры туралы деректерді жинастырып, бірнеше кітаптар кұрастырды