Астанада қоғамдық орында үлкен дәретке шыққан ер адам қамауға алынды
Жарияланған күні:
Астана сотында қоғамдық орында дәретке шыққан ер адамға үкім шықты. Ол 15 тәулікке қамауға алынды, деп жазады KAZ.NUR.KZ қала соттарына сілтеме жасап.
Астанадағы Әкімшілік істер бойынша мамандандырылған ауданаралық сотта Б. есімді ер азаматқа қатысты ұсақ бұзақылық бойынша іс қаралды.
Іс материалдарына сәйкес, Б. қоғамдық орында үлкен дәретке шығып, қоғамға құрметтемеушілік танытқан. Ол өз кінәсін мойындаған.
Оның құқық бұзғаны оқиға орнында түсірілген видеожазбамен расталған. Нәтижесінде Б. ӘҚБтК 434-бабы, 1-бөлігі бойынша кінәлі деп танылып, 15 тәулікке қамауға алынды.
Қаулы заңды күшіне енген жоқ.
Мақаланың түпнұсқасы: https://kaz.nur.kz/society/2164426-astanada-qogamdyq-orynda-ulken-daretke-shyqqan-er-adam-qamauga-alyndy/
