"Құрылыс 100 пайыз аяқталды": министр Шарлапаев су тасқынынан зардап шеккен тұрғындар үшін қанша үй салынғанын айтты

Үкімет отырысында өнеркәсіп және құрылыс министрі Қанат Шарлапаев су тасқынынан зардап шеккен қазақстандықтарға арналған 2576 үйдің құрылысы аяқталғанын мәлімдеді. Бұл туралы үкімет хабарлады.

Үкімет ақпаратынша, оларды салу жұмыстары мамыр айының соңында басталып, 4 ай ішінде аяқталды.

Мәселен, Солтүстік Қазақстан, Ақтөбе, Қостанай және Атырау облыстарында су тасқынынан зардап шеккендерге арналған үйлердің құрылысы 100% аяқталды. Құрлысы жұмысы Ақмола (38 үй) және Батыс Қазақстан өңірлерінде (66 үй) жалғасуда. Жаңа үйлерді қыркүйек айының соңында тапсыру жоспарланып отыр.

Көктемгі су тасқыны салдарынан Қазақстанда барлығы 17 603 үй зардап шекті, оның 8 447-сі кейіннен апатты деп танылды. Мемлекет жаңа үйлер салудан бөлек, қайталама нарықта 5 767 бірлік тұрғын үй сатып алды.