Астанада үйдің ауласында тұрған көлік өртенді (видео)

Желіде бұған дейін бір үйдің ауласындағы көлік тұрағында көліктің өртеніп жатқаны бейнеленген видео пайда болды. Астана Төтенше жағдайлар департаментінің баспасөз қызметі оның жанында тұрған көліктің де зақымданғанын хабарлады, деп жазады KAZ.NUR.KZ.

Видео Instagram-дағы astana_brothers парақшасында жарияланған. Кадрларда көлік отқа оранып жатыр. Оның сол жағында бірнеше көлік тұр.

Астана қалалық Төтенше жағдайлар департаментінің баспасөз қызметі NUR.KZ тілшісіне өрттің Есіл ауданындағы тұрғын үйдің ауласында таңғы уақытта шыққанын хабарлады.

"Сағат 05:49-да Есіл ауданындағы аулада автокөлік өртеніп жатқаны туралы ақпарат түсті. Оқиға орнына дереу жеке құрамның бес адамы мен бір техника жетті. Өрт 06:08-де сөндірілді. Жүктер Автокөліктің жүк салғышы мен салоны өртеніп жатты. Жақын жерде тұрған көлік те ыстықтан зардап шекті.", - деді Төтенше жағдайлар департаменті.

Еске салсақ, бұған дейін Шымкентте көлік тұрағында жүк көлігінің тіркемесі мен үш көлік өртенген еді.