Астанада референдум өтетін күні автобуспен қатынау тегін болады

6 қазанда Астанада қала маңындағы және қалалық бағдарларға қатынау тегін болады. Бұл туралы KAZ.NUR.KZ әкімдікке сілтеме жасап хабарлайды.

"6 қазанда Астана қаласы республикалық референдум өтетін күні, қала және қала маңы бағдарларында жол жүру тегін болады.

Қоғамдық көлік сағат 06:00-ден 23:00-ге дейін жүреді", - делінген хабарламада.

Әкімдік мәліметінше, 7 қазан дүйсенбіден бастап қоғамдық көліктер штаттық режимде жұмыс істейді.

Еске салсақ, 2 қыркүйекте президент Қасым-Жомарт Тоқаев АЭС құрылысы бойынша 6 қазанда республикалық референдум өткізу туралы жарлыққа қол қойды.

3 қыркүйекте Орталық сайлау комиссиясының отырысында АЭС салу бойынша референдум өткізудің күнтізбесі бекітілді.

Сондай-ақ бұған дейін Орталық сайлау комиссиясы өкілдері Қазақстанда АЭС салу бойынша референдумды ұйымдастыруға және өткізуге 15,5 млрд теңге жұмсалатынын мәлімдеген еді.

АЭС салу бойынша референдумға қатысты ОСК төрағасы Тоқаевқа дайындық барысын баяндаған болатын.