Top.Mail.Ru

Сайт нұсқасы

ru kz

Зектілері

Алматыда жылыту маусымы мерзімінен бұрын басталады

Жарияланған күні:

жылу батареясы
Жылу батареясы. Көрнекі фото: pixabay.com

Алматыда әлеуметтік нысандар жылуға 7 қазаннан бастап қосылады. Мегаполисте үйлерге жылу мерзімінен бұрын беріледі, деп хабарлайды KAZ.NUR.KZ қала әкімдігінің баспасөз қызметіне сілтеме жасап.

Әкімдік мәліметінше, Алматыда 7-11 қазан аралығында нысандарды орталық жылу жүйесіне қосу жоспарланған. Бірінші кезекте, жылу әлеуметтік мекемелерлерге, оның ішінде балабақшаларға, мектептерге және медициналық-әлеуметтік нысандарға беріледі.

"АлТС" ЖШС қазірдің өзінде айналым режимін іске қосуға дайын, бұл қажет болған жағдайда жылу беруді жедел бастауға мүмкіндік береді. Коммуналдық кәсіпорын материалдық-техникалық базадан бастап бригадаларға арналған арнайы техника мен киімге дейін барлық қажетті заттармен толық жабдықталған, олар ықтимал авариялар мен технологиялық іркілістерді жоюмен айналысатын болады", - делінген хабарламада.

Әкімдік мәліметінше, биыл жылыту маусымына дайындық аясында қаланың алты ауданында 20 км жылу желілері қайта жаңартылған. Мамандар желілерді сынау мен жөндеуді сәтті аяқтап, сорғы жабдықтарын жаңартқан.

"Барлығы 69 сорғы станциясы және 24 резервуар-аккумулятор дайындалды, бұл ыстық су желісіндегі ең жоғары жүктемелерді теңестіруге мүмкіндік береді.

Ақауларды жедел жою үшін 2024-2025 жылдарғы жылыту маусымында қажетті апатты материалдар мен жабдықтар қоры жасалған. Апатты жағдайлар кенеттен болған кезде оларды жоюмен 16 апатты және жөндеу бригадалары жұмыс жасайды , олардың құрамында 220 адам мен 56 техника бар. Сондай-ақ, 33 учаскенің пайдаланылатын 7 ауданындағы 714 адам жұмыс істеуге дайын", - деді әкімдік өкілдері.

Еске салсақ, Алматыда жылыту маусымы әдетте 15 қазаннан басталады, бұл кезде сыртқы ауаның орташа тәуліктік температурасы бес күн ішінде +8 градусқа дейін немесе одан төмен түседі. Осыдан кейін жергілікті атқарушы органдар жылыту маусымын бастау туралы шешім қабылдайды. Өткен жылы жылу 10 қазаннан бастап берілген.

Жылуды қосу кезең-кезеңімен жүреді:

  • Әлеуметтік нысандар (балабақшалар, мектептер, медициналық мекемелер);
  • Тұрғын үйлер, жатақханалар, қонақ үйлер;
  • Әкімшілік ғимараттар, оқу орындары, театрлар;
  • Басқа ғимараттар.

Тұтынушыларға энергия беруші ұйым жылыту маусымының басталғаны туралы хабарлайды, ал апаттық және сервистік қызметтер объектілерде жылуды қосу жөніндегі нұсқаулықтарды алады.

Мақаланың түпнұсқасы: https://kaz.nur.kz/society/2169082-almatyda-zhylu-qashan-beriletini-belgili-boldy/