103 жастағы кейуана референдумда дауыс берді

Кеген ауданының 103 жастағы тұрғыны Күлпара Шортанова республикалық референдумға қатысты. Кейуана Ұзынбұлақ ауылындағы дауыс беру учаскесіне барып, таңдауын жасады, деп хабарлайды Өңірлік коммуникациялар қызметіне сілтеме жасаған KAZ.NUR.KZ.

Ұзынбұлақ ауылындағы №573 сайлау учаскесіне бір әулеттің төрт буынының өкілдері келіп дауыс берді. 103 жастағы Күлпара Шортанова, оның 85 жастағы ұлы Марат, 50 жастағы немересі Олжас, 25 жастағы немересі Бейбіт және 18 жастағы шөбересі Бақтияр өз таңдауын жасады.  

Дауыс беруден кейін отбасы осы маңызды күнді еске алу үшін бірге суретке түсті. Ел болашағы үлкеннен кішіге дейін барша азаматтың күшімен қалыптасатынын еске салды. Жақындары мен таныстары әсерімен бөлісіп, қоғамның игілігі үшін дауыс беру құқығын пайдаланудың қаншалықты маңызды екенін талқылады.