Тараз қаласының әкімі референдумда өз таңдауын жасады
Жарияланған күні:
Тараз қаласының әкімі Бақытжан Орынбеков елімізде өтіп жатқан АЭС құрылысы бойынша референдумға қатысып, өз таңдауын жасады. Бұл туралы KAZ.NUR.KZ хабарлайды.
Бүгін елімізде АЭС салу бойынша республикалық референдум өтуде. Соған орай Тараз қаласының әкімі Бақытжан Орынбеков №41 референдум учаскесінде алғашқылардың бірі болып дауыс берді.
Айта кетерлігі, аталған учаскеде жалпы саны 2 626 сайлаушы дауыс беру құқығына ие.
Жалпы Тараз қаласы аумағында қазіргі таңда 135 референдум учаскесі жұмыс істеуде. Олардың барлығында дауыс беру тиісті заңнамаға сәйкес таңғы сағат 7:00-де басталды. Сондай-ақ шаһар бойынша 256 985 сайлаушы болса, оның ішінде 18 жасқа енді толған 5 394 адам алғаш рет өз таңдауларын жасайды.
Мақаланың түпнұсқасы: https://kaz.nur.kz/society/2170408-taraz-qalasynyng-akimi-referendumda-oz-tangdauyn-zhasady/
