Павлодарда 9 қабатты үй салуға тыйым салынды

Павлодарда бекітілген егжей-тегжейлі жоспарлау жобасы бойынша 9 қабатты көппәтерлі үйлердің нүктелік құрылысына жол берілмеді. Бұл туралы аймақ прокуратурасына сілтеме жасаған KAZ.NUR.KZ хабарлайды.

Павлодар облысы прокуратурасының сайтында жарияланған ақпаратқа сәйкес, 2023 жылғы 30 қарашада Павлодар қаласы әкімдігі ауданы 364 га 9 қабатты көппәтерлі тұрғын үйлер салу мүмкіндігі туралы егжей-тегжейлі жоспарлау жобасын (бұдан әрі – ЕТЖЖ) бекіткен.

"Бұл қала құрылысы құжаты Бас жоспардың талаптарына қайшы келеді, онда осындай нысандарды 4-5-қабаттан аспайтындай салуға рұқсат етілген.

Прокурордың талап арызы бойынша жергілікті атқарушы органның заңсыз актісі сот тәртібімен заңсыз деп танылып, күші жойылды", - делінген хабарламада.

Бұдан бұрын қадағалау актісі бойынша мемлекеттік қызметке кір келтіретін теріс қылық жасағаны үшін Павлодар қаласының бас сәулетшісі қызметінен босатылды