Қазақстаннан Австрияға тікелей рейс ашылады
Жарияланған күні:
Келер жылы Қазақстаннан Австрияға тікелей рейс ашылады. Бұл туралы Азаматтық авиация комитетіне сілтеме жасаған KAZ.NUR.KZ хабарлайды.
"Қазақстан-Австрия Іскерлік кеңесінің 9- отырысын өткізу кезеңінде көлік вице-министрі Талғат Ластаев бастаған қазақстандық делегацияның құрамында СКАТ авиакомпаниясының вице-президенті Владимир Сытник пен Қазақстанның Австриядағы елшілігінің өкілдері Австрияның туризм жөніндегі мемлекеттік хатшысы Сюзанна Краус-Винклер және Вена әуежайының бас директоры Юлиан Йегермен кездесулері өтті", - делінген Азаматтық авиация комитетінің Telegram-дағы ресми арнасында жарияланған хабарламада.
Кездесулер барысында Қазақстан мен Австрия арасында 2025 жылдың көктеміне жоспарланған SCAT әуекомпаниясының аптасына 2 рет жиілікпен тікелей рейсін ашу, сондай-ақ туризмді дамытуды визалық қолдау мәселелері талқыланды.
Айта кетейік, осыған дейін Атыраудан Дубайға тікелей рейс ашылатынын хабарлағанбыз.
Мақаланың түпнұсқасы: https://kaz.nur.kz/society/2172949-qazaqstannan-avstriiaga-tikelei-reis-ashylady/
