Алиса қазақ тілінде пайдалы бола түсті – математика бойынша есептерді шешуді, валюталарды айырбастауды және сыбырлап сөйлеуді үйренді

Алматы, 2024 жылғы 10 қазан — Yandex Qazaqstan Алисаның жаңа функцияларын қазақ тілінде көрсетті. Енді виртуалды ассистент әр түрлі математикалық есептеулер жүргізуге және валюталарды айырбастауға қабілетті. Мысалы, калькулятор мектеп оқушылары мен студенттерге оқуда көмектеседі, ал конвертер шетелдік сапарға жиналып жатқандарға пайдалы болады. Алиса сондай-ақ қазақ тілінде сыбырлап сөйлеуді үйренді – мысалы, енді ата-аналар кішкентай сәбилерді оятып алмау үшін онымен ақырын сөйлесе алады.

Калькулятордың жаңа функциясының көмегімен Алиса көптеген математикалық есептеулерді жасай алады — қарапайым, мысалы қосу және азайту сияқты, сондай-ақ күрделі: тригонометриялық операциялар, дәрежеге көтеру, түбір шығару, пайыздарды есептеу және басқалар. Виртуалды ассистенттен қазақ тілінде нақты мәселені шешуді сұрау жеткілікті, мысалы: "Алиса, 4-тің квадрат түбірі неге тең?".

Валюта конвертерінің арқасында виртуалды ассистент бағамды еске түсіре алады және ол бойынша қажетті валютадағы соманы есептей алады. Ол үшін Алиса Қазақстан Республикасы Ұлттық банкінің өзекті деректеріне негізделеді.

Алисамен ақырын сөйлесу үшін оған сұрақты қазақ немесе орыс тілдерінде сыбырлап айту керек, ал виртуалды ассистент тиісті тілде солай жауап береді. Мысалы баланы ұйықтағаннан кейін оны оятып алмау үшін, ата-аналар Алисадан жарты сағаттан кейін жатын бөлмедегі түнгі шамды өшіруді ақырын сұрай алады.

Алиса алғаш рет 2023 жылдың 15 қарашасында қазақ тілінде сөйлеуді үйренді. Содан бері Yandex Qazaqstan виртуалды ассистентті үнемі жетілдіріп, қазақ пайдаланушылары үшін қолжетімді функциялардың тізімін кеңейтіп келеді. Мысалы осы уақыт ішінде Алиса музыканы іздеуді және ойнауды, еске салғыштарды, оятқыштарды қоюды, ақылды үй құрылғыларын басқаруды, диалогты сақтауды және тағы басқаларды жасауды үйренді.

Yandex Qazaqstan туралы

Yandex Qazaqstan — машиналық оқыту мен нейрондық желілер негізінде өнімдер мен сервистерді жасайтын технологиялық компания. Компания пайдаланушылардың өмірін жақсартуға және Қазақстанда цифрлық ортаны дамытуға бағытталған инновациялық технологияларды әзірлеумен және енгізумен айналысады. Елде іздеу, қалалық, бұлтты және ойын-сауық қызметтері жұмыс істейді, сонымен қатар компания білім беру және әлеуметтік жобаларды дамытып жатыр.