Астана мен Алматыда қолайсыз ауа райына байланысты кептеліс пайда болды

Астана мен Алматыда жұманың кешінде ауа райының қолайсыздығына байланысты кептеліс пайда болды. Алматыда – 11 балл, ал Астанада – 9-10 балл, деп хабарлайды KAZ.NUR.KZ.

2GIS сервисінің мәліметі бойынша, Алматыда қазір 11 баллдық кептелістер байқалып, көптеген жол-көлік оқиғасы тіркелген.

Бүгін Алматы қалалық ТЖД тұрғындарына 12 қазанға қараған түні қатты жаңбыр жауатынын ескерткен еді. Сонымен қатар желдің екпіні 18 м/с дейін күшеюі мүмкін екені хабарланған.

Ал Астанада, 2GIS мәліметтері бойынша, бірнеше орталық көшеде кептелістер пайда болды. Мақаланы жазу сәтінде жолдардағы кептеліс 9 баллға бағаланып, қарбалас уақытында 10 баллға дейін жеткен.

"Кептелісте барлығына шыдам тілейміз", "Қыста қар жауған кезде не болатынын елестету қорқынышты", "Неге жаңбыр салдарынан осындай жағдай болады?", "Велосипедпен жылдам жетуге болар еді", - деп жатыр астаналықтар жолдардағы жағдай туралы осындай пікірлерін жазып жатыр.

Айта кету керек, Астанада ауа райы нашарлап, жауын-шашын түсті. Елордада "Қазгидромет" ақпараты бойынша қолайсыз ауа райына байланысты ескерту жарияланды. Қалада қар, боран, көктайғақ күтіледі. Солтүстік-шығыс желдің екпіні – 17-22 м/с.