Қостанай қаласында сәйкестік туралы декларациясы жоқ өнімдер сатылған

Қостанай қаласында сәйкестік туралы декларациясы жоқ өнімдер сатылғаны белгілі болды. Мамандар бұл тұрғыда ауқымды ақпарат беріп, тауарлардың сәйкестік сертификатын қалай тексеруге болатынын айтты.

Сәйкестік туралы декларация дегеніміз не?

Сәйкестік туралы декларация өнімнің қауіпсіздігі мен сапа стандарттарының талаптарына сәйкестігін растайтын техникалық регламенттің ресми құжаты болып табылады.

Тамақ өнімдерінің барлық түрлерінің Қазақстан Республикасында сәйкестік туралы декларациялары болуы тиіс.

Сәйкестік туралы декларация ЕАЭО техникалық регламенттерінің ережелеріне сәйкес ресімделіп, ЕАЭО елдерінің аумағында қосымша рұқсаттарсыз заңды күші болады.

Қазақстандық өндіруші немесе импорттаушы еуразиялық сәйкестік туралы декларацияны ресімдеп, тауарларды тек Қазақстанда ғана емес, Ресейде, Беларусьте, Қырғызстанда, Арменияда да сата алады.

Сәйкестік туралы декларацияны ресімдеу

Декларация рәсімі екі кезеңнен тұрады:

• зертханалық зерттеулер;
• тізілімде тіркелу.

Алдымен сынақтар жүргізіледі, содан кейін сынақ хаттамасы шығарылады. Декларацияны тіркеу үшін құжаттардың көшірмелері, өнім үлгілері және кәсіпорынның электронды қолтаңбасы қажет, содан кейін Еуразиялық сәйкестік айналым белгісі тағайындалады.

EAC айналым белгісі дегеніміз не?

EAC аббревиатурасы Еуразиялық сәйкестікті білдіреді. Ол ЕАЭО-да сертификаттаудан өтуі тиіс өнімдердің жапсырмаларына қолданылады. Мұндай тауарлардың барлық түрлерін біріктіретін нақты тізім жоқ. Таңбаламаның қажет екенін анықтау үшін өнімнің әрбір түріне арналған техникалық регламенттерді зерделеу қажет.

Сертификаттауға жататын және таңбаламаны талап ететін тауарлардың тізбесі:

• Азық-түлік өнімдері.
• Жиһаз заттары.
• Тұрмыстық электр құрылғылары.
• Ұзартқыштар мен кабельдер.
• Компьютерлер.
• Жеңіл өнеркәсіпке жатқызылған өнімдер.
• Косметика, парфюмерия.
• Балалар мен жасөспірімдердің пайдалануына арналған өнімдер.

Еуразиялық сәйкестік таңбаламасы өнім нарығына шығарылғанға дейін қолданылады (Кеден одағы комиссиясының 2011 жылдың 15 шілдесіндегі шешімімен бекітілген Еуразиялық экономикалық одақ нарығында тауар айналымының бірыңғай белгісін қолдану тәртібінің 2-бөлімі, № 711) және бұл өнімнің сертификатталған/декларацияланғанына кепілдік береді.

Өнімдердегі Еуразиялық сәйкестік белгісінің түпнұсқалығын қалай тексеруге болады

• Еуразиялық сәйкестік белгісі анық көрінетін және оқуға оңай болуы керек. Оны тауарға немесе оның қаптамасына бүлдірмей алып тастау қиын болатындай етіп жағу керек.
• Еуразиялық сәйкестік белгісінің түпнұсқалығын тексеру үшін арнайы веб-ресурстарды пайдалануға болады. Сертификаттау органдарының ресми веб-сайттарында Еуразиялық сәйкестік белгісінің жанында көрсетілуі тиіс бірегей нөмірді пайдалана отырып, сәйкестік сертификаттарын тексеру қызметі жиі қарастырылған.
• Белгі кескінінің сапасына назар аудару қажет: ол жоғары, бұлыңғыр және бұрмаланбаған болуы керек. Белгінің барлық қажетті элементтерінің, соның ішінде әріптер мен белгілердің дұрыс орналасуын тексеру маңызды.

Сәйкестік туралы декларацияны/сертификатты қалай тексеруге болады?

Сертификаттар мен сәйкестік туралы декларацияларды Еуразиялық экономикалық комиссияның сайтында – Берілген сәйкестік сертификаттары мен тіркелген сәйкестік декларацияларының бірыңғай тізілімінде, сондай-ақ қазақстандық реестрде дербес тексеруге болады, – деп түсіндіреді тұтынушылардың құқықтарын қорғау жөніндегі сарапшы Жанна Биятан Үрметханқызы.

"Бұл ақпарат туралы барлық сатушылар біле бермеуі мүмкін, сондықтан мен осындай көлемді ақпаратпен бөліскім келді. Декларациясыз немесе сәйкестік сертификатынсыз тауарды өткізгені үшін Әкімшілік құқық бұзушылық туралы кодексте ірі көлемде айыппұл қарастырылғанын есте ұстаған жөн", – деп жалғастырды сөзін сарапшы.

Бұл жолы Қостанай қаласынан сатып алынған сынама ҚР Президенті Іс басқармасы Медициналық орталығы "Санитарлық-эпидемиологиялық сараптама орталығы" ШЖҚ РМК микроскобы астына "Корона изобилия" күнбағыс майы мен "Fast Food" мармелады қауіпсіздік пен Кеден одағының КО ТР 021/2011 және КО ТР 022/2011 техникалық регламенттерінің талаптарына сәйкестігіне кешенді талдау үшін жіберілді.

"Зерттеу хаттамаларының нәтижелері бойынша, "Fast Food" мармеладының тәтті өнімі қауіпсіздік талаптарына сәйкес келетіні белгілі болды, бірақ бұл өнім декларацияланған ба, жоқ па, бізге түсініксіз, өйткені біз бұл өнімге тіркелген декларацияны базадан таба алмадық", – дейді Жанна Биятан.

Сараптама орталығының келесі хаттамасы "Fast Food" мармеладының төмендегідей негізгі:

• Сақтау шарттары көрсетілмеген;
• Еуразиялық сәйкестік айналым белгісі туралы ақпарат жоқ;
• Қазақ тілінде таңбалама көрсетілмеген сияқты сәйкессіздіктерін анықтады.

Тұтынушылардың құқықтарын қорғау жобасы аясында бұл материалды дайындаған "MOТҚҚҚ" ҚБ тұтынушылар құқығын қорғау тек мемлекеттік органдардың ғана емес, азаматтардың да міндеті екенін еске салады.

Осыған ұқсас сұрақтар бойынша байланыс нөмірі 87054222739 немесе Instagram парақшасы: OZPP.KZ – https://www.instagram.com/ozpp.kz/