"Бюджеті Қазақстанның ЖІӨ-мен пара-пар": Цифрлық даму министрлігі өкілі киберқылмыс туралы айтты

Орталық коммуникациялар қызметінде өткен брифингте Ақпараттық қауіпсіздік комитетінің басшысы Руслан Әбдіқалықов заманауи киберқылмыстың не екенін, оларды тауып, жазалаудың қиындығын айтып берді. Бұл туралы KAZ.NUR.KZ хабарлайды.

"Қылмыстық әлемде қатаң иерархия бар. Қоңыраулармен бір команда айналысады. Бұлар дроперлер деп аталады. Олар алдыңғы қатарда және оларды табу оңай, бірақ одан әрі тізбекті табу мүмкін емес, өйткені бұл дроперлер қалғанын және кімнің көшбасшы екенін ешқашан білмейді", - деді Әбдіқалықов.

Оларды анықтап, жазалаудың неліктен қиын екенін түсіндірді.

"Қазіргі заманғы киберқылмыс - бұл компьютерде жұмыс істейтін жалғыз хакер емес. Олар үлкен ұйым, бюджеті шамамен Қазақстанның ЖІӨ-мен пара-пар. Әр топтың өз рөлі бар. Олар бір-бірі туралы білмейді, танымайды. Олар байланыс арқылы ғана жұмыс істей алады... Сондықтан мен құқық қорғау органдары үшін қиындықтар барын түсінемін. Иә, олар дроперді анықтап, ұстай алады, бірақ олар одан не жауап ала алады", - деді спикер.

Еске сала кетейік, бүгін Әбдіқалықов Қазақстандағы сақтандыру компаниялары азаматтардың жеке деректерін ұзақ жылдар бойы сақтай алатынын және ол үшін жауапкершілікке тартылмайтынын да айтты. Оның айтуынша, ведомство жеке деректерді сақтау мерзімін шектеуді көздеп отыр.