Белгілі корей өнімдері техникалық регламенттерге сәйкес келмейтін болып шықты

Мемлекеттік-әлеуметтік тапсырысты жүзеге асыру аясында "Маңғыстау облыстық тұтынушылардың құқықтарын қорғау қоғамы" қоғамдық бірлестігінің өкілдері Тараз қаласының дәл орталығында жасырын сатып алушы әдісімен корей тағамдарын сатып алды. Себетте түрлі заттар, соның ішінде суретте көрсетілген тез дайындалатын кеспенің бірнеше түрі болды.

Бұл өнімдер Жамбыл облысының "Ұлттық сараптама орталығы" аккредиттелген санитарлық-гигиеналық зертханасына кешенді зерттеуге жіберілді.

Осы өнімдерге арналған органолептикалық көрсеткіштер зерттеулерге сәйкес, осы атауға тән, бөгде дәмі мен иісі жоқ, ашық сары түсті, ауыр металл тұздарының, атап айтқанда, кадмийдің рұқсат етілген шектерде болғанын көрсетеді.

Бұл ретте Кеден одағы комиссиясының 09.12.2011 жылғы шешімімен бекітілген техникалық регламентке, сондай-ақ 11.07.1997 жылғы Қазақстан Республикасындағы "Тіл туралы" заңына қатысты сәйкессіздіктер анықталған:

Тауардың атауы мемлекеттік және орыс тілдерінде көрсетілмеген;

• Тамақ өнімдерінің құрамы көрсетілмеген;
• Сақтау шарттары мемлекеттік және орыс тілдерінде көрсетілмеген;
• Өндірушінің атауы және орналасқан жері Made in Korea деп шет тілінде жазылған, мемлекеттік және орыс тілдерінде көрсетілмеген;
• 100 г өнімнің тағамдық және энергетикалық құндылығы мемлекеттік және орыс тілдерінде көрсетілмеген;
• КО-ға мүше мемлекеттер нарығындағы өнім айналымының бірыңғай белгісі жоқ;
• Мемлекеттік және орыс тілдерінде ақпараттар жоқ.

Сондай-ақ Кеден одағы комиссиясының 2011 жылдың 16 тамызындағы №769 шешімімен бекітілген техникалық регламентке қатысты сәйкессіздіктер анықталды:

• Пиктограмма мен таңба (қаптама жасалған материалдың белгісі немесе әріптік белгісі), сондай-ақ Мебиус ілмегі жоқ болды.

Қазақстан Республикасының "Халық денсаулығы және денсаулық сақтау жүйесi туралы" 2020 жылдың 7 шілдесіндегі №360-VI ҚР кодексіне сәйкес, халықтың өмірі мен денсаулығына қауіп төндіретін өнімдер – гигиеналық нормативтерге, техникалық регламенттерде бекітілген қауіпсіздік талаптарына сәйкес келмейтін деп танылған, оларды тұтыну немесе қолдану кезінде адамның денсаулығына қауіпті ықтималдығы бар өнімнің жай-күйі; олардың қадағалануын, қауіпсіздігін растайтын өндірушінің (жеткізушінің) құжаттары жоқ, таңбаламасы нормативтік құқықтық актілердің талаптарына сәйкес келмейтін, сақтау мерзімі белгісіз немесе мерзімі өтіп кеткен жалған өнімдер.

Қаптаған тауарлар нарығында тұтынушылардың құқықтарын қорғау және қауіпсіздік стандарттарын сақтау қоғамдық денсаулықты қамтамасыз етудің негізгі аспектілеріне айналады. Бұл, әсіресе, заң талаптарын орындамау денсаулыққа елеулі қауіп төндіретін тамақ секторында маңызды.

Анықталмаған таңбаламасы және өнімнің құрамы көрсетілмеген контрафактілік тауарларды сату тұтынушылардың денсаулығына үлкен қауіп төндіреді.

Осындай өнімдерді өткізетін кәсіпкерлер шығарылған жері белгісіз тауарларды сатылымға шығарғаны үшін Әкімшілік құқықбұзушылық туралы кодекстің 425-бабына сәйкес кәсіпкерлік қызметтің ұйымдық-құқықтық нысанына қарай 30-дан 2000-ға дейінгі айлық есептік көрсеткіш мөлшерінде айыппұл салу түріндегі жауапкершілікке тартылуы мүмкін.

Сондықтан сатушы сөрелердегі тауарлардың белгіленген стандарттар мен талаптарға сәйкестігін қамтамасыз етуге міндетті, ал тұтынушылар бақылау органдарына (ескерту: аумақтық санитарлық-эпидемиологиялық бақылау басқармасы) хабарласып, тексеру жүргізуге және сатушыны жауапқа тартуға шағым түсіруге міндетті (ескерту: өнімнің шығу тегі белгісіз сату фактісі расталса, жауапкершілік сатушыларға жүктеледі).

"Жоспардан тыс тексеру жеке немесе заңды тұлғаның растайтын құжаттары бар өтініші түскен кезде ғана жүргізіледі. Растайтын құжат – фискалды немесе сату түбіртегі болып табылады. Шағымға фото/бейне материалдар қоса берілген жөн", – деп қосты құқыққорғаушы Жанна Биятан Үрмеханқызы.

Бұл материалды әлеуметтік жобаның орындаушысы – "Маңғыстау облыстық тұтынушылардың құқықтарын қорғау қоғамы" қоғамдық бірлестігі дайындады.

Тауарлардың (жұмыстардың, қызметтердің) сапасын зерттеу нәтижелері туралы "МОТҚҚҚ" ҚБ таратқан ақпараттар жарнама болып табылмайды және тұтынушылардың құқықтары мен заңды мүдделерін іске асыруға ықпал етеді.

Осы факті бойынша сұрақтарыңыз болса, Instagram OZPP.KZ сілтемесі –https://www.instagram.com/ozpp.kz/ немесе 87054222739 телефоны арқылы хабарласа алатыныңызды ескертеміз.