Өнеркәсіп министрі неліктен Қазақстанда шығарылған тұрмыстық техниканы алмайтынын түсіндірді

Үкімет отырысында Өнеркәсіп және құрылыс министрі Қанат Шарлапаев қазақстандық тұрмыстық техника қай жерде сатылатынын айтты. Бұл туралы KAZ.NUR.KZ хабарлайды.

Қанат Шарлапаев Қазақстанда шығарылған тұрмыстық техниканы өзі әлі сатып алмағанын айтты.

"Үйімде ондай техника жоқ", - деді ол.

Ал әйелі туыстарына сыйлық ретінде Dauscher фирмасының тұмшапешін сатып алған.

"Қазір заманауи технологиялар бар емес пе? Әйелім интернет арқылы сатып алды. Заманауи жас жігіт сияқтысыз. Ол техниканы интернеттен іздеп көруге болады. Мәселен, қазір банктер қолданбасы арқылы сатып алуға болады ", - деп жауап берді ол "Бұл техниканы қайдан сатып алуға болады?" деген сұраққа.

Шарлапаев қайдан не сатып алатынын әркім өзі шешетінін атап өтті.

"Қажет болмағандықтан, өзіме техника сатып алған жоқпын. Қажет болған жағдайда міндетті түрде бірдеңе сатып аламын. Бірақ ол техникаға сенетіндіктен, туыстарыма тұмшапеш сыйладым. Өзіме сатып алмағаным қаламағанымнан емес. Үйімде әзірге ештеңе бұзылған жоқ. Сатып алуға қажеттілік болмаған соң сатып алған жоқпын. Қажет болған кезде міндетті түрде сатып аламын", - деді Шарлапаев.