Петропавлда жасөспірім төбелестен соң ауруханаға түсіп қалды

Петропавлда 17 жастағы жасөспірім төбелестен соң ауруханаға түсіп қалды. Қазіргі уақытта күдікті ұсталып, қылмыстық іс қозғалған, деп хабарлайды KAZ.NUR.KZ СҚО ПД баспасөз қызметіне сілтеме жасап.

Төбелес туралы ақпарат 2 қараща күні сағат 19:00-де түскен. Оқиға орнына бірден тәртіп сақшылары шыққан. Жанжал салдарынан Петропавл қаласының 17 жастағы тұрғыны жедел жәрдеммен ауруханаға жеткізілді.

Аталған фактіге қатысты Қылмыстық кодекстің 106-бабы 2-бөлігі 7-тармағы бойынша қылмыстық іс қозғалды. Кәмелетке толмаған күдікті ұсталды.

Жасөспірімнің ата-анасын бала тәрбиесіне қатысты міндеттерін орындамағаны үшін жауапқа тарту мәселесі қарастырылып жатыр. Жеткіншек профилактикалық есепке алынды.