Екібастұзда полиция көпқабатты үйдің кіреберісіндегі есірткі жарнамасын бояумен өшірген

Екібастұздағы көпқабатты үйдің кіреберістерінің бірінде полицейлер қабырғаға сурет салып, есірткі жарнамасын бояп тастады. Бұл туралы Павлодар облысының полиция департаментіне сілтеме жасаған KAZ.NUR.KZ хабарлайды.

Екібастұз аумағында Halyk Tumar мобильді қосымшасын іске асыру жалғасуда. Күн сайын осы қосымша арқылы уәкілетті органдардың атына өтініштер келіп түседі, оларды қарау нәтижелері бойынша өтініш жазған адамдарға тиісті жауаптар беріледі, олар да қосымшада көрсетіледі.

Мысалы, 2024 жылғы 6 қарашада полицияның құзыреті бойынша тұрғын үйдің кіреберісінде есірткі жарнамасы фактісі бойынша өтініш түсті.

"Тексеру нәтижелері бойынша аталған факт расталды, трафаретпен бояу арқылы есірткі жарнамасын жою шаралары қабылданды. Бұл бағыттағы жұмыс жалғасуда және қала прокуратурасының тұрақты бақылауында", - делінген Павлодар облысы бойынша полиция департаментінде.

Естеріңізге сала кетейік, қала аумағында Halyk Tumar мобильді қосымшасы жұмыс істейді, бұл қала тұрғындарына нақты уақыт режимінде қоғамдық тәртіпті бұзушылықтарға өздері ден қоюға мүмкіндік береді