Тұман түсіп, көктайғақ болады: ТЖД өкілдері алматылықтарға үндеу жасады

8-9 қараша күндері Алматыда тұман және көктайғақ болуы мүмкін. Бұл туралы қалалық Төтенше жағдайлар департаменті хабарлады, деп жазады KAZ.NUR.KZ тілшісі.

ТЖД ақпаратынша, "Қазгидромет" РМК дауылды ескертуі негізінде Алматы қаласында 8 қарашада, 9 қарашада таңертен және түнде тұман түсіп, көктайғақ болады.

Осыған байланысты мамандар тұрғындарға бірнеше кеңес берді.

Жаяу жүргіншілерге арналған ұсыныстар:

• есіңізде болсын, қар мен көктайғақта жүргізушінің көлікжүргізу кезінде зейіні төмендеп, жолға мұқият қарай алмай, нәтижесінде жаяу жүргіншілерді қағып кетуі мүмкін;
• көшеде жол қозғалысы ережелерімен белгіленген орындардан өту керек;
• абай болыңыз, жолдан өткен кезде басқа істерге (ұялы телефонмен сөйлесу және т. б. алаңдамаңыз;
• әрқашан аяқтың астына қараңыз;
• аяқ киімді дұрыс таңдауға назар аудару керек. Аяқ киім бұдырлы өрнегі бар тайғанамайтын материалдан жасалған тегіс табанды болуға тиіс;
• қолыңызды қалтаңызға салмаңыз, бұл сізге мұзда тепе-теңдікті сақтауға мүмкіндік береді;
• есіңізде болсын, тротуарлар, қалалық көлік аялдамалары, дүкендерге кіре берістегі баспалдақтар, тіпті өз үйінің кіреберісі адамдар жиі құлап, жарақат алатын жерлер болып саналады.