Доңызды үстелге қойыңыз да одан бұқтырылған ет алыңыз немесе дұрыс тұтас ақуызды қалай таңдау керек

Тұтас ақуыз туралы айтқанда, ең алдымен, аминқышқылдарының толық кешенін қамтитындарды есте ұстаған жөн. Адам ағзасы бұл заттарды түрлі вариациялар мен комбинацияларда пайдаланады. Тұтас ақуыздар өсімдік, сондай-ақ жануар текті болуы мүмкін. Бірақ екеуі де бұлшықет тінінің құрылысында, ферменттер мен гормондардың өндірісінде қолданылады. Сонымен, көкөніс пен ет компоненттерінен тұратын бұқтырылған етті қалай дұрыс таңдау керек? Бұл қиын сұраққа әлеуметтік сарапшылар мен зертханалық талдаулар жауап бере алды.

Астанада асқазан мен жүректі еліктіретін ет консервілерін жиі кездестіруге болады.

Мұнда сізге тіпті, керемет түрлі-түсті қаптамаға доңызды да салып береді. "Қазақстан Республикасы Президенті Іс басқармасы Медициналық орталығының Санитарлық-эпидемиологиялық сараптама орталығы" республикалық мемлекеттік қазыналық кәсіпорны мамандары мен "Маңғыстау облыстық тұтынушылардың құқықтарын қорғау қоғамы" қоғамдық бірлестігі сарапшылары өндірушілер тұтынушыларды қалай алдайтынын біледі.

2024 жылдың 22 қазанындағы № 1004/700 тіркелген азық-түлікті зерттеу хаттамасына сәйкес, Ресейдің "Курганский мясокомбинат "Стандарт" ЖШҚ шығарған "Консервы мясорастительные "Тушенка дачная говяжья" өнімінің үлгісінен (шығарылған күні 18.06.2024 ж. және сақтау мерзімі 3 жыл) доңыз гені анықталды.

"Маңғыстау облыстық тұтынушылардың құқықтарын қорғау қоғамы" қоғамдық бірлестігінің сарапшысы Жанна Биятан шикізат құрамындағы сәйкессіздік туралы былай дейді:

"Азық-түлік өнімдерінің сынамасын талдауға сәйкес, мақсатты компонентке қатысты доңыз ДНҚ үлгісінің туындысы болып табылатын материал анықталды. Яғни, сиыр етінің бөлек құрамында басқа ауылшаруашылық жануарының ДНҚ-сы бар. Бұл ет-көкөніс консервілерін өндіру кезінде өндіріс технологиясының бұзылғанын көрсетеді. Таңбаламасында көрсетілмеген құрамдас бөліктердің, оның ішінде жануарлардың еті мен басқа да ингредиенттерінің табылуы өнімнің құрамына қатысты тұтынушыны жаңылыстыруға әкеп соғады", - деп түсіндірді сарапшы Ж.Биятан.

"Алайда 2024 жылдың 22 қазанындағы № 1004/460 құжатта бекітілген басқа хаттамалық шешім аясында мемлекеттік және орыс тілдерінде таңбаламаның болуы, өнімнің атауы, өнім құрамы көрсетілген, шығарылған күні, жарамдылық мерзімі, импорттаушының аты-жөні және орналасқан жері, азық-түлік көрсеткіштерінің мәндері және Еуразиялық сәйкестік белгісі бар", - деп түсіндірді құқыққорғаушы.

Қоғамдық бірлестік өкілі атап өткендей, "Көптеген тұтынушы сиыр еті мен бұқтырылған ет арасында үлкен айырмашылық бар екенін білмейді. Сонымен, бұқтырылған сиыр еті – ет консервілері болса, бұқтырылған ет негізінен өсімдік ақуызы мен судан, сондай-ақ еттен тұратын ет және көкөніс консервілері болып табылады. Бірақ қандай ет немесе қандай жануардың еті екені белгісіз?".

Ішкі нарықты сапасыз және қауіпті өнімдерден қорғау мақсатында Қазақстан Республикасының "Әкімшілік құқықбұзушылық туралы" кодексінде:

• өнімнің тұтынушылық қасиеттеріне немесе сапасына қатысты жаңылыстыру немесе тұтынушыларды өзге де алдағаны үшін;
• Қазақстан Республикасының халықтың санитарлық-эпидемиологиялық салауаттылығы саласындағы заңнамасының, сондай-ақ гигиеналық нормативтердің, техникалық регламенттердің талаптарын бұзғаны үшін;
• техникалық регламенттерде және нормативтік құқықтық актілерде белгіленген талаптарға сәйкес келмейтін өнімді айналымға шығарғаны үшін;
• техникалық регламенттерде және нормативтік құқықтық актілерде белгіленген талаптарға сәйкес растау немесе сәйкестікті растау құжаттарынсыз өнімді айналымға шығарғаны үшін;
• тауардың шығарылған елі, өндірушісі, жеткізушісі немесе сатушысы туралы мәліметтерді немесе тауар туралы қазақ және орыс тілдеріндегі сенімді және жеткілікті ақпаратты қамтитын құжаттарсыз тауарды сатқаны үшін;
• сатып алушының өтініші бойынша тауар, оның шыққан жері, өндірушілер, тұтынушылық қасиеттері, кепілдік міндеттемелері және шағымдарды беру тәртібі туралы қажетті ақпаратты бермегені үшін әкімшілік жауапкершілік көзделген.

Қоғам белсенділері жауапкершілік туралы ескертеді!

Кәсіпкерлер үшін азық-түлік өнімдерін өндіруде техникалық регламенттер талаптарын (бұл жағдайда КО 022/2011 ТР қолданылады) және технологиялық процестерді сақтау жай ғана міндеттеме емес, сонымен қатар сатып алушылардың сенімін ақтау мүмкіндігі екенін түсіну маңызды. Өнім туралы ақпараттың ашықтығы табысты бизнестің кілті болып табылады, ал бұзушылықтар қаржылық шығындарға және беделді жоғалтуға әкелуі мүмкін.

Сондай-ақ сарапшылар бұқтырылған ет өнімінің сыртқы түріне, құрамына, хош иісіне және дәміне назар аударуға кеңес береді. Есіңізде болсын, тек жоғары сапалы және қауіпсіз өнімнен ет пен дәмдеуіштердің иісі болады. Дәмін көргеннен кейін жағымды дәм қалуы керек және оның сыртқы түрі күмән тудырмауы тиіс.

Оқырмандарға арналған анықтама:

Ет өнімі – ет емес ингредиенттерді қолданып немесе қолданбай өндірілетін және ет ингредиенттерінің массалық үлесі 60 пайыздан асатын ет өнімі.

Ет-көкөніс өнімі – өсімдік тектес ингредиенттерді пайдалана отырып дайындалған және ет ингредиенттерінің массалық үлесі 30-дан 60 пайызға дейін қоса алғанда, құрамында ет бар өнім.

Тұтынушы, егер құқығыңыз бұзылып жатса, Астана қаласы бойынша Сауда және тұтынушылардың құқықтарын қорғау департаментіне: 8 (7172) 953 029; 8(7172)953029

Сондай-ақ Қазақстан Республикасы Сауда және интеграция министрлігінің сайты арқылы хабарласуыңызға болады.

Кеңес беру сипатындағы бұл ақпарат жарнама болып табылмайды. Зерттеу нәтижелері туралы барлық ақпарат "Маңғыстау облыстық тұтынушылардың құқықтарын қорғау қоғамы" қоғамдық бірлестігінің келісімімен таратылады.

Осыған ұқсас сұрақтар бойынша Instagram-дағы OZPP.KZ парақшасы немесе 87054222739 телефоны арқылы хабарласуға болатынын ескертеміз.