Атырау-Алматы бағытында келе жатқан жолаушылар пойызы шұғыл тоқтады

20 қараша күні сағат 14:34-те Арал теңізі - Қазалы учаскесінде №42 "Атырау-Алматы" жолаушылар пойызы техникалық вагондағы ақауға байланысты шұғыл тоқтады. Бұл туралы KAZ.NUR.KZ хабарлайды.

Оқиғаның мән-жайын NUR.KZ тілшісіне "Жолаушылар тасымалы" АҚ баспасөз қызметі айтты.

"Бүгін, 20 қарашада сағат 14:34-те Арал теңізі - Қазалы учаскесінде № 42 "Атырау - Алматы" жолаушылар пойызы техникалық вагонның ақаулығына байланысты шұғыл тоқтады. Мамандар тексеріп, ақауды жөндеді. Пойыздар Patentes Talgo компаниясы қызмет көрсетеді", - деп түсіндірді компания.

Пойыз Қазалы станциясына сағат 18:12-де жолаушыларды тасымалдау үшін стандартты вагондардан тұратын № 505/506 "Қазалы – Алматы-2" біржолғы пойызы бекітілді. Пойыздың жөнелтілуі 20 қараша сағат 21:00-де, Алматы-2-ге келуі 21 қарашаға белгіленген.

"Қазалы-Алматы-2" №505/506 бағыты бойынша стандартты вагондардан ауыстырылған поезды пайдаланатын жолаушылар жолаушыларды, багажды және жүктерді тасымалдау ережелеріне сәйкес айырмашылықты алады. Барлық жолаушылар тамақпен және сумен қамтамасыз етілген", - деп хабарлайды Ұлттық тасымалдаушы.

Компания уақытша қолайсыздықтар үшін кешірім сұрайды және жолаушылардың қауіпсіздігін қамтамасыз ету үшін қабылданған шараларға түсіністікпен қарауды сұрайды.

Қосымша ақпаратты "1433" телефоны арқылы тегін алуға болады.