Шымкентте арыстан абданын сатпақ болған азамат ұсталды (видео)
Жарияланған күні:
Шымкентте полиция арыстан абданын сатпақ болған азаматты ұстады. Бұл туралы Polisia.kz басылымының Telegram-дағы арнасы хабарлайды.
Басылым мәліметіне сүйенсек, 20 қараша күні полицейлер қаладағы базарлардың бірінің маңында арыстанның күшігін сатпақ болған азаматты анықтаған.
Жедел уәкілдер жануарды Түркістан облысы тұрғынының автокөлігінің жүк салғышынан тапқан. Полиция жануарлардың сирек кездесетiн және құрып кету қаупi төнген, сондай-ақ пайдалануға тыйым салынған түрлерімен заңсыз айналысу фактісі бойынша қылмыстық іс тіркеді.
Қазіргі таңда тергеу жүріп жатыр.
Мақаланың түпнұсқасы: https://kaz.nur.kz/society/2190497-shymkentte-arystan-abdanyn-satpaq-bolgan-azamat-ustaldy-video/
