Заманбек Нұрқаділовтің ұлына ауылдастары ат мінгізді
Жарияланған күні:
Кеше, 2 желтоқсанда Алматы облысы Кеген ауылында Заманбек Нұрқаділовке арналған ескерткіш-бюст қойылып, ас берілді. Ұлы Қайрат Нұрқаділовке ауылдастары ат мінгізді, деп жазады KAZ.NUR.KZ желіде тараған видеоға сілтеме жасап.
Видео Instagram-дағы dubsmash_kaz паблигінде жарияланды. Онда бір топ азамат Қайрат Нұрқаділовке ат мінгізгенін көруге болады.
"Әкесінің басқан ізін жалғастыратын жоғарыға отырғызу керек, ел басқаратын азамат жақсыдан жақсы туады", "Әкесінің көрмеген қызығын көрсін. Лайықты"- деп жазды желі қолданушылары.
Айта кетейік, 2 желтоқсанда Алматы облысы Кеген ауданының орталығында мемлекет және қоғам қайраткері Заманбек Нұрқаділовке арналған ескерткіш-бюсттің ашылу салтанаты өтті. Сонымен қатар Кеген ауылындағы балалар өнер мектебіне Заманбек Нұрқаділовтің есімі берілді.
Мақаланың түпнұсқасы: https://kaz.nur.kz/society/2195633-zamanbek-nurqadilovting-ulyna-auyldastary-at-mingizdi/
