Шымкентте бөтен үйге кіріп, алтын сырға мен сөмке ұрлаған күдікті ұсталды (видео)
Жарияланған күні:
Шымкенттік полицейлер заңсыз жолмен бағалы заттарды жымқырған күдіктіні ұстады. Бұл туралы KAZ.NUR.KZ қалалық ПД баспасөз қызметіне сілтеме жасап хабарлайды.
ПД Instagram-дағы мәліметіне сүйенсек, қала тұрғыны полицияға үйіне белгісіз азамат кіріп, бағалы заттарын жымқырғанын айтып арызданған.
"Ол өз шағымында белгісіз бір азамат алтын сырғасы мен сөмкесін ұрлап, оқиға орнынан қашып кеткенін айтты.
Жедел-іздестіру шараларын жүргізуге Еңбекші ауданы полиция басқармасының қызметкерлері жұмылдырылып, нәтижесінде ұрланған затты иесіне қайтарды", - делінген ПД хабарламасында.
Тұрғын өз кезегінде Еңбекші ауданы полиция басқармасының басшылығы мен Анықтау бөлімінің аға анықтаушысы полиция капитаны Бауыржан Тұрғын Баймаханбетұлының қызмет барысындағы жоғары кәсібилігі үшін алғысын білдірді.
Мақаланың түпнұсқасы: https://kaz.nur.kz/society/2196278-shymkentte-boten-uige-kirip-altyn-syrga-men-somke-urlagan-kudikti-ustaldy-video/
