Семейде жаңажылдық шырша шамын жағу салтанатында кішкентай қыз адасып қалды

Бейсенбі, 25 желтоқсанда Семейде жаңа жылдық шырша шамын жағу рәсімі өтті. Шара барысында кішкентай қыз көпшілік арасында адасып қалды, деп хабарлайды полицияға сілтеме жасаған KAZ.NUR.KZ.

Telegram-дағы ІІМ арнасының мәліметі бойынша Абай облысының полицейлері жоғалған баланы тауып, анасына тапсырды.

Қала орталығындағы алаңда жаңа жылдық шыршаны жағу салтанаты өтті. Осы шара барысында кішкентай қыз көпшіліктің ішінде анасынан көз жазып қалды.

Қоғамдық тәртіпті қамтамасыз етіп жүрген полицейлер жылдам әрекет етіп, қызды тыныштандырып, оны сахнада өнер көрсеткен әртістердің автобусына отырғызды.

Осы уақытта қыздың анасы алаңда баласын уайымдап іздеді. Полицейлер алаңда алаңдаған әйелді байқап, оны автобусқа дейін ертіп апарды. Сол жерде анасы мен қызы қайта қауышты.