Top.Mail.Ru

Сайт нұсқасы

ru kz

Зектілері

2025 жылы еліміздің солтүстігіне көшуге ниетті қанша қазақстандық төлем ала алады

Жарияланған күні:

Читать на русском
Ақша санап жатқан кассир
Ақша санап жатқан кассир. Көрнекі фото: NUR.KZ/Владимир Третьяков

Қазақстандықтарға жұмыс күші тапшы аймақтарға көшкені үшін ақша төленеді, тіпті баспана алуға мүмкіндік болады. 2025 жылы 7344 қазақстандық азамат осындай мүмкіндікке ие болады. Толығырақ KAZ.NUR.KZ материалынан оқыңыз.

Қазақстанда азаматтар жұмыс күші қажет аймақтарға көше алады, сонымен қатар оларға мемлекет тарапынан көмек берілетін бағдарлама өз жұмысын жалғастырып жатыр.

Еңбек және халықты әлеуметтік қорғау министрлігі мәліметінше, министрдің бұйрығымен қандастар мен қоныс аударушыларды қабылдаудың 2025 жылға арналған өңірлік квотасы 9 653 адам деп белгіленді, бұл былтырғы жылмен салыстырғанда 170 адамға артық. Бірақ квотаның 2 309 адамға арналған бір бөлігі қандастар үшін қарастырылған.

Бұйрықтың мақсаты – үкімет айқындайтын өңірлерде қандастар мен қоныс аударушыларды оңтайлы қоныстандыру. 2025 жылы өңірлік квота облыстар бойынша төмендегідей бөлінді:

  • қандастар үшін: Павлодар облысы – 1 056 адам, Ақмола облысы – 285 адам, Шығыс Қазақстан облысы – 269 адам, Абай облысы – 244 адам, Солтүстік Қазақстан облысы – 175 адам, Қостанай облысы – 150 адам,  Атырау облысы – 100 адам, Батыс Қазақстан облысы – 30 адам;
  • қоныс аударушылар үшін: Павлодар облысы – 3 050 адам, Солтүстік Қазақстан облысы – 2 969 адам, Қостанай облысы – 535 адам, Шығыс Қазақстан облысы – 372 адам, Абай облысы – 255 адам, Ұлытау облысы – 125 адам, Қарағанды облысы – 38 адам.

Қандастар мен қоныс аударушыларды қабылдаудың өңірлік квотасына енгізілген адамдарға мемлекеттік қолдау шарасы көрсетіледі, атап айтқанда:

  • көшуге субсидиялар – отбасының әрбір мүшесіне 70 АЕК яғни, 275 240 теңге біржолғы төлем;
  • 12 ай ішінде бір отбасыға 15-тен 30 АЕК-ке дейін, 58 980 теңгеден 117 960 теңгеге дейін төленетін тұрғын үйді жалдау (жалға алу) және коммуналдық қызметтерге ақы төлеу бойынша шығыстарды жабу үшін субсидиялар;
  • 400 АЕК мөлшерінде, яғни, 1 572 800 теңге қоныс аударуға жәрдем көрсететін жұмыс берушілер үшін субсидиялар;
  • қысқа мерзімді кәсіптік оқытуға жолдама;
  • жұмысқа орналасуға немесе кәсіпкерлік бастаманы дамытуға жәрдемдесу;
  • тұрғын үй сатып алуға экономикалық мобильділік сертификаттарын беру.

Естеріңізге сала кетейік, экономикалық мобильділік сертификаты қоныс аударғандар сатып алған тұрғын үй құнының 50 пайызын, бірақ 1 160 АЕК-тен аспайтынын немесе 2025 жылы 4 561 120 теңгені қамтиды.

Ведомство мәліметінше, 2024 жылы 19,7 мыңнан астам этникалық қазақ тарихи отанымен табысып, қандас мәртебесін алды.

1991 жылдан бастап 2025 жылғы 1 қаңтар аралығында 1 млн 148 мың астам этникалық қазақ тарихи отанына оралды.

Мақаланың түпнұсқасы: https://kaz.nur.kz/society/2209695-2025-zhyly-elimizding-soltustigine-koshuge-nietti-qansha-qazaqstandyq-tolem-ala-alady/