RU

Түркиялық жанкүйерлер ресейліктер отырған автобусқа пышақпен шабуылдады

Түркияның Стамбул қаласында "Фенербахче" клубының жанкүйерлері Ресейлік "Зениттің" қолдаушылары отырған автобусқа пышақпен шабуыл жасаған. Бұл туралы Life.ru-ға сілтеме жасаған NUR.KZ хабарлайды.

Фото: ofnews телеграм-арнасы
Фото: ofnews телеграм-арнасы: Facebook

Оқиға Еуропа лигасы аясындағы қос құраманың ойыны басталуына бірнеше сағат қалғанда орын алған.

Жергілікті жанкүйерлер автобусқа пышақ, темір-терсекпен шабуылдаған.

Ресейліктер есікті уақытында жауып, оқиға орнынан қашып үлгеріпті.

Нәтижесінде автобустың терезелері сынып, бірнеше адам дене жарақатын алған.

Айта кетейік, Еуропа лигасының 1/16 финалы барысында өткен бірінші кездесуде "Фенербахче" клубы Санк-Петербургтық "Зенитті" 1:0 есебімен ұтты.

Мақаланың түпнұсқасы: https://kaz.nur.kz/sport/1778372-trkialyk-zankjerler-resejlikter-otyrgan-avtobuska-pysakpen-sabuyldady/