Жеңіліп көрмеген қазақстандық кәсіпқой боксшы Жанқош Тұраровтың келесі жекпе-жегі қашан өтетіні белгілі болды, деп хабарлайды KAZ.NUR.KZ тілшісі.
Boxrec.com сайтының мәліметінше, Жанқош Тұраров 19 наурыз күні Мәскеуде шаршы алаңға шығады.
Жекпе-жек жартылай орта салмақта өтеді және кездесу он раундқа жоспарланған. Дегенмен, отандасымыздың қарсыласы кім екені белгісіз.
Айта кетсек, Жанқош Тұраров кәсіпқой бокста бірде-бір рет жеңіліп көрмеген. Ол 25 мәрте қарсыласынан басым түсіп, оның 18-де нокаутпен жеңген.
Боксшы соңғы жекпе-жегін өткен жылдың желтоқсан айында Нұр-Сұлтан қаласында өткізген болатын.
Сол кезде Жанқош Тұраров мысырлық Абдумон Саидті бірінші раундта-ақ техникалық нокаутпен жеңген еді.
Мақаланың түпнұсқасы: https://kaz.nur.kz/sport/boxing/1957132-zanqos-turarovtyn-kelesi-zekpe-zegi-otetin-kun-belgilendi/
