Иван Дычко кәсіпқой бокстағы 12-ші жеңісіне қол жеткізді (видео)

Опубликовано:

Иван Дычко
Иван Дычко. Фото: olympic.kz

Қазақстандық боксшы Иван Дычко Аргентина астанасы Буэнос-Айресте өткен бокс кешінде өнер көрсетіп, қарсыласынан басым түсті, деп хабарлайды Sports.kz.

Отандасымыз аргентиналық Кевин Эспиндоламен жұдырықтасты.

Суперауыр салмақтағы жекпе-жек 10 раундқа жоспарланған және ол соңына дейін жалғасты. Нәтижесінде Иван Дычко төрешілердің шешімімен жеңіске жетті.

Бұл отандасымыздың кәсіпқой бокстағы 12-ші жеңісі. Ал Кевин Эспиндола мансабында төртінші рет жеңіліп отыр.

Еске сала кетейік, Иван Дычко бұған дейінгі барлық жекпе-жегін мерзімінен бұрын аяқтаған еді. Отандасымыз шаршы алаңға биылдыққа алғаш рет шықты.

Мақаланың түпнұсқасы: https://kaz.nur.kz/sport/1975489-ivan-dycko-kasipqoi-bokstagy-12-si-zenisine-qol-zetkizdi-video/

jitsu gif