Құрлықтық хоккей лигасының кезекті турында "Барыс" сырт алаңда мәскеулік "Спартакты" жеңді. Есеп 1:3, деп жазады KAZ.NUR.KZ тілшісі.
Матч алаң иелерінің қарқынды шабуылымен бастады. Нәтижесінде төртінші минутта мәскеулік клуб хоккейшісі Захар Арзамасцев мергендігімен көзге түсті.
Осыдан кейін ойын қос үжымның алма-кезек шабуылымен жалғасты. Алайда бірінші және екінші кезеңде жанкүйерлер гол көре алмады.
Матчтың үшінші кезеңінде "Барыс" басымдылықты қолға алып, Джереми Бракко 40-минутта есепті теңестірді. Бес минуттан кейін Аркадий Шестаков астаналық ұжымды алға шығарса, 53-минутта Егор Петухов матчтың нүктесін қойды.
Осылайша, "Барыс" сырт алаңда мәскеулік "Спартакты" 1:3 есебімен жеңді.
Айта кетейік, 2 қазан күні "Барыс" өз алаңында "Сочи" хоккей клубын қабылдайды.
Мақаланың түпнұсқасы: https://kaz.nur.kz/sport/hockey/1990143-barys-syrt-alandagy-oiynda-uzdik-komandalardyn-birin-utyp-sensaciya-zasady-video/
