Кәсіби теннисшілер қауымдастығы (ATP) және әйелдер теннис қауымдастығы (WTA) әлемдегі ең жақсы ойыншылар рейтингінің жаңартылған нұсқаларын жариялады, деп жазады Ұлттық Олимпиада комитеті.
Жекелей сында Қазақстанның үздік теннисшісі Александр Бублик 38-ші орынға жайғасып, бес позицияға көтерілді.
Тимофей Скатов, керісінше, 158-ге түсіп, алты орынды жоғалтып отыр.
Михаил Кукушкин-234-ші орында (10 позицияға артқа шегінді), Денис Евсеев - 278-ші, Дмитрий Попко - 315-ші (13 позицияға артқа шегінді), Бейбіт Жукаев - 332-ші (төрт позицияға көтерілді).
Жұптық ойында Андрей Голубев 54, Александр Недовесов 61-орында.
Әйелдер арасында Қазақстанның алғашқы ракеткасы Елена Рыбакина екі сатыға көтеріліп, 24-орынға жайғасқан.
Юлия Путинцева қазір әлемдік рейтингте 55, Зарина Дияс – 499-орында.
Жұптық разрядтта Анна Данилина 19-орынға көтеріліп, жеке рекордын қайталады.
Жібек Құламбаева да 186-орынға көтеріліп, позициясын жақсартты.
Мақаланың түпнұсқасы: https://kaz.nur.kz/sport/other-sports/1993233-reiting-zanardy-qazaqstandyq-tennissiler-qai-orynda-tur/
