"Бавария" футбол клубы жаңа рекорд орнатты (фото)

Мюнхендік "Бавария" УЕФА Чемпиондар Лигасының топтық кезеңінің алтыншы турында миландық "Интерді" жеңіп, турнир рекордын орнатты, деп хабарлайды KAZ.NUR.KZ тілшісі.

"Альянц Аренада" өткен матчта "Бавария" 2:0 есебімен жеңіске жетті.

Гол авторлары Бенжамин Повар мен Эрик Шупо-Мотинг.

Осылайша, "Бавария" Чемпиондар лигасының жаңа рекордын орнатты. Клуб екі жыл қатарынан топтық кезеңдегі барлық матчтарда жеңіске жеткен алғашқы ұжым атанып отыр.

С тобының нәтижесі:

1. "Бавария" - 18 ұпай,
2. "Интер" - 10 ұпай,
3. "Барселона" - 7 ұпай,
4. "Виктория" - 7 ұпай.