Футзалдан Чемпиондар лигасы: "Қайраттың" элиталық кезеңдегі қарсыластары анықталды

Футзалдан УЕФА Чемпиондар лигасының элиталық кезеңіндегі алматылық "Қайраттың" қарсыластары белгілі болды, деп хабарлайды KAZ.NUR.KZ тілшісі.

Алматылық ұжымның баспасөз қызметі ұсынған ақпаратқа сәйкес, "Қайрат" португалиялық "Бенфика", чехиялық "Хрудим", мальталық "Сэнт-Эндрюспен" бір топта өнер көрсетеді.

Топтан "Төрттік финалға" 1 команда ғана шығады.

Ойындар 23-26 қараша аралығында өтеді деп жоспарланып отыр.

Еске сала кетейік, бұған дейін "Қайрат" футзалдан Чемпиондар лигасының негізгі кезеңінде үш матч өткізіп, бес ұпаймен элиталық кезеңге жолдама алған еді.