Алғашқы сенсация: Сауд Арабиясы Месси бастаған Аргентинаны ұтып кетті

Опубликовано:

Сауд Арабиясы жеңісті тойлауда
Сауд Арабиясы жеңісті тойлауда. Фото: twitter/FIFAWorldCup

Футболдан Катарда өтіп жатқан әлем чемпионатында алғашқы сенсация тіркелді. Сауд Арабиясы әйгілі Аргентинаны жеңді, деп хабарлайды KAZ.NUR.KZ.

Аргентина сапынан ойынның 10-минутында Лионель Месси гол соқса, Сауд Арабиясы сапынан ойынның 48-минутында Салех-аш-Шехри, 53-минутта Салем ас-Сари көзге түсті.

Осылайша, саудиялықтар "С" тобында үш ұпаймен көш бастап тұр.

Айта кетейік, 26 қараша күні Эрве Ренар жаттықтыратын команда Польшамен, дәл сол күні Аргентина Мексика құрамасымен кездеседі.

Матчтарды Qazaqstan және Qazsport телеарналарынан тамашалауға болады.

Жалпы Катарда өтіп жатқан әлем футболдан чемпионаты 18 желтоқсанда аяқталады.

Мақаланың түпнұсқасы: https://kaz.nur.kz/sport/1998487-algasqy-sensaciya-saud-arabiyasy-messi-bastagan-argentinany-utyp-ketti/