Футболдан Катарда өткен Әлем чемпионатында қақпаға ең көп соққы бағыттаған футболшылардың тізімі жарияланды. Көшті Аргентина құрамасының капитаны Лионель Месси бастап тұр, деп жазады KAZ.NUR.KZ тілшісі.
Біріншіліктің ең үздік футболшысы қарсыластарының қақпасына 33 соққы жасаған. Екінші орынға Франция шабуылшысы Киллиан Мбаппе жайғасқан. 24 жастағы сұрмергеннің Лионель Мессиден бір соққысы аз.
Үздік үштіктң Оливье Жиру қорытындылап тұр. Франция шабуылшысының еншісінде 16 соққы бар. Дәл осындай нәтижемен Хорватияның жартылай қорғаушысы Иван Перичич төртінші орында.
Бесінші сатыда Аргентина шабуылшысы Лаутаро Мартинес тұр. Оның турнирде 14 соққы жасағаны белгілі болды.
Мақаланың түпнұсқасы: https://kaz.nur.kz/sport/football/2002393-katardagy-alem-cempionatynda-qaqpaga-en-kop-soqqy-bagyttagan-futbolsy-kim/
