Қазақстанның бірінші, әлемнің 7-ракеткасы Елена Рыбакина АҚШ-та өтіп жатқан Майами WTA 1000 турнирінің ширек финалына шықты, деп хабарлайды KAZ.NUR.KZ тілшісі Қазақстанның теннис федерациясына сілтеме жасап.
Елена төртінші айналымда дүниежүзілік рейтингте 39-орында тұрған бельгиялық Элиза Мертенспен шеберлік байқасып, 1 сағат 46 минутқа созылған ойында 6:4, 6:3 есебімен жеңіске жетті.
Бұл – Еленаның қатарынан он бірінші жеңісі.
Отандық теннисші енді жүлде қоры 8,8 млн АҚШ долларына бағаланған мастерс додасының жартылай финалына шығу үшін әлемнің 24-ракеткасы, италиялық Мартина Тревизанмен кездеседі.
Мақаланың түпнұсқасы: https://kaz.nur.kz/sport/other-sports/2014289-rekordtyq-korsetkis-elena-rybakina-qatarynan-on-birinsi-zenisine-qol-zetkizdi/
