Футболдан Сауд Арабиясының чемпионатында өнер көрсететін "Әл-Наср" клубының бас бапкері Руди Гарсия қызметінен кетті, деп хабарлайды KAZ.NUR.KZ тілшісі.
Бұл туралы "Әл-Наср" клубының баспасөз қызметі Twitter желісіндегі парақшасында жазды.
Белгілі болғандай, 59 жастағы маманмен келісімшарт тараптардың өзара келісімі бойынша бұзылған.
Алайда бұған дейін басылым беттерінде "Әл-Наср" клубының басшылығы Руди Гарсияны нашар нәтиже мен футболшылармен орын алған жанжалға байланысты жұмысынан босататыны жазылған.
Айта кетейік, франциялық маман "Әл-Наср" клубын 2022 жылдың шілдесінен бастап жаттықтырды. Қазіргі уақытта арабиялық ұжым турнирлік кестеде екінші орында келеді.
Мақаланың түпнұсқасы: https://kaz.nur.kz/sport/football/2016702-ronaldu-oner-korsetetin-klubtyn-bas-bapkeri-qyzmetinen-ketti-video/
