Кәсіпқой боксшы Мейірім Нұрсұлтановтың келесі кездесуіне қатысты ақпарат шықты, деп хабарлайды KAZ.NUR.KZ тілшісі Adal Promotions промоутерлік компаниясына сілтеме жасап.
"Мейірім Нұрсұлтанов демалыстан кейін жаттығуға кірісті.
Боксшымыздың келесі жекпе-жегі қашан өтетіні жуырда белгілі болады", - делінген хабарламада.
Айта кетейік, бұған дейін Оңтүстік Кореяның Инчхон қаласында өткен титулдық жекпе-жектен кейін Мейірім Нұрсұлтанов үндеу жасаған еді.
Бокс кешінде отандық былғары қолғап шебері Жапония өкілі Кадзуто Такесатомен жұдырықтасты. Он екі раундқа жоспарланған жекпе-жек сегізінші раундта аяқталды. Мейірім Нұрсұлтанов қарсыласын нокаутқа түсіріп, орта салмақтағы WBO International белбеуін сәтті қорғады.
Мақаланың түпнұсқасы: https://kaz.nur.kz/sport/boxing/2022004-meiirim-nursultanovtyn-kelesi-zekpe-zegine-qatysty-aqparat-syqty/
