Белгілі боксшы Жәнібек Әлімханұлы келесі жекпе-жегін канадалық Стивен Батлерге қарсы өткізеді, деп жазады KAZ.NUR.KZ.
Бұл туралы Top Rank промоутерлік компаниясының баспасөз қызметі хабарлады.
Белгілі болғандай, Әлімханұлы мен Батлер жекпе-жегі 13 мамырда Стоктон қаласында (Калифорния, АҚШ) өтеді.
Кездесуде отандық былғары қолғап шебері WBO чемпиондық атағын екінші рет қорғайды.
Еске сала кетейік, Жәнібек Әлімханұлы соңғы жекпе-жегін 2022 жылдың қараша айында Дензель Бентлиге қарсы өткізді. Лас-Вегастағы айқас он екі раундқа жалғасып, төрешілердің бірауыздан қабылдаған шешімімен отандық боксшы жеңіске жетті.
Мақаланың түпнұсқасы: https://kaz.nur.kz/sport/boxing/2014661-qarsylasy-belgili-zanibek-alimxanulynyn-kelesi-zekpe-zeginin-qasan-otetini-belgili-boldy/
