![Майк Тайсон мен Джейк Пол Майк Тайсон мен Джейк Пол](https://cdn.nur.kz/images/1120x630/5c48db1cc66fa54e.jpeg)
58 жастағы боксшы Майк Тайсон күзде танымал блогер Джейк Полмен жекпе-жекке шығады. Бұл туралы KAZ.NUR.KZ хабарлайды.
MVP промоутерлік компаниясының мәліметінше, жекпе-жек 15 қарашада Техаста 80 мың адамға арналған "AT&T Stadium" стадионында өтеді.
19 тамызда Нью-Йоркте Тайсон мен Пол көз түйістірген болатын. Көз түйістіру барысында екеуі бірін-бірі итеріп жіберді.
Айта кетейік, Майк Тайсон мен Джейк Пол арасындағы кездесу 21 шілдеге жоспарланған еді. Алайда Майк Тайсон ұшақта өзін нашар сезініп, жекпе-жек кейінге шегерілді.
Майк Тайсон кәсіби мансабын 2005 жылы аяқтады және содан бері тек екі мәрте коммерциялық жекпе-жекте өнер көрсетті. Соңғы мәрте ол 2020 жылы аты аңызға айналған боксшы Рой Джонспен кездесу өткізіп, жекпе-жек тең нәтижемен аяқталды.
Мақаланың түпнұсқасы: https://kaz.nur.kz/sport/boxing/2151513-maik-taison-sharshy-alangga-oralady-zhekpe-zhek-uaqyty-men-otetin-orny-belgili-boldy/