Жартылай орта салмақта жұдырықтасатын қазақстандық кәсіпқой боксшы Батыр Жүкембаев WBC тұжырым бойынша чемпион доминикандық Альберт Пуэллоны жекпе-жекке шақырды. Бұл туралы KAZ.NUR.KZ хабарлайды.
"Маған жартылай орта салмақтағы WBC белбеуі керек. Альберто Пуэлло, жекпе-жек жасайық", - деп жазды Батыр Жүкембаев Х желісінде.
Ол өз сөзінде Альберт Пуэллоны, сондай-ақ WBC президенті Маурисио Сулайманды және ProBox TV кәсіпқой жекпе-жегін ұйымдастырушыларды атап өтті.
Еске сала кетейік, Батыр Жүкембаев соңғы рет 22 мамырда АҚШ-тың Плант-Сити қаласында кездесу өткізген болатын. Аталмыш жекпе-жекте Батыр Жүкембаев украиналық боксшы Иван Редкачты нокаутқа түсірді.
WBC тұжырымы бойынша жартылай орта салмақтағы әлем чемпионы Альберто Пуэлло өз мансабында 23 жекпе-жек өткізіп, бәрінде жеңіске жеткен.
Мақаланың түпнұсқасы: https://kaz.nur.kz/sport/boxing/2171623-qazaqstandyq-boksshy-batyr-zhukembaev-wbc-chempionyn-zhekpe-zhekke-shaqyrdy/
