Катар ұлттық құрамасы өз жерінде өтіп жатқан Азия кубогының жартылай финалдық матчында Иран командасын жеңіп, чемпиондық атағын қорғауға жақындады. Бұл туралы KAZ.NUR.KZ тілшісі хабарлайды.
Дохадағы кездесу 3:2 есебімен алаң иелерінің пайдасына шешілді. Катар құрамасы сапында Джассем Абулсаллам (17 минут), Акрам Афиф (43) және Альмоез Али (82) гол соқты.
Иран құрамасы сапынан Сердар Азмун (4 минут) және Алиреза Джаханбахш (51, пенальтиден) көзге түсті.
Катар құрамасы қатарынан екінші рет Азия кубогының финалына шықты. Тіпті соңғы додада кубокты жеңіп алды. Ал биылғы турнирдің шешуші матчында жартылай финалда Оңтүстік Кореяны сенсациялық түрде жеңген Иордания құрамасымен кездеседі. Азия кубогының финалы 10 ақпанда Лусаил қаласында өтеді.
Мақаланың түпнұсқасы: https://kaz.nur.kz/sport/football/2059821-futboldan-aziya-kubogynyn-finalyna-syqqan-quramalar-anyqtaldy/
