Құрамында бес дүркін "Алтын доп" иегері Криштиану Роналду бар "Әл-Наср" футбол клубы Сауд Арабиясы чемпионатының 24-туры аясында сырт алаңда жеңіске жетті. Бұл туралы KAZ.NUR.KZ хабарлайды.
Сауд Арабиясы чемпионатында екінші орында тұрған "Әл-Наср" "Әл-Ахли" алаңында клубты ұтып, қатарынан үш жеңіліс сериясын тоқтатты.
Ойын 0:1 есебімен аяқталды. Матчтағы жалғыз голды португалиялық шабуылшы 68-минутта пенальтиден соқты. Роналду үшін бұл оның осы маусымдағы 33 кездесудегі 30-шы голы болып отыр.
Айта кетейік, бұл ойын ел чемпионаты үшін негізінен шешуші ойын болды, өйткені "Әл-Ахли" турнирлік кестеде үшінші орында тұр. Командада 47 ұпай бар. Ал "Әл-Наср" 56 ұпаймен екінші орында. Көшбасшы 65 ұпаймен "Әл-Хилал" клубы.
Мақаланың түпнұсқасы: https://kaz.nur.kz/sport/football/2069367-ronaldu-gol-sogyp-al-nasrdy-qatarynan-tortinsi-zenilisten-qutqaryp-qaldy-video/
