Freedom компаниясының басқарма төрағасы және QJ League демеушісі Тимур Турлов Қазақстан футбол федерациясын (ҚФФ) басқарғысы келетіндігі туралы ақпараттың мән-жайын түсіндірді. Бұл туралы KAZ.NUR.KZ Meta-ratings.kz сайтына сілтеме жасап хабарлайды.
"Мен де Telegram арналарды оқып, аздап таңғалдым. Біз қазірдің өзінде өте қызық жұмыс жүргізіп жатырмыз. Мен QJ League-ға толықтай назар аударамын және біздің басты міндетіміз - балалар мен жасөспірімдер футболын дамыту деп санаймын", - деді Тимур Турлов.
Еске салайық, көптеген бұқаралық ақпарат құралдары Тимур Турловтың Қазақстан футбол федерациясын басқарғысы келетіндігі жөнінде жаңалық таратқан болатын. Қазіргі уақыттағы ҚФФ-ның қазіргі басшысы - Әділет Барменқұлов.
Айта кетейік, Freedom QJ League Қазақстандағы кәсіби футбол клубтарының жастар командалары арасында элиталық деңгейдегі жарыстарды өткізеді. QJ League жеңімпазы УЕФА жастар лигасында Қазақстан атынан қатысу құқығына ие болады. 2023 жылы чемпионаттың алғашқы маусымына 2006 жылы туған (U-18 жас санаты) аяқ допшылардан құралған еліміздің ең мықты деген 12 командасы қатысып, өзара мықтыны анықтаған болатын.
Мақаланың түпнұсқасы: https://kaz.nur.kz/sport/football/2121831-azdap-tanggaldym-timur-turlov-futbol-federatsiiasyn-basqaru-turaly-qauesetti-zhoqqa-shygardy/
