Өзбекстан – Испания: бүгін Париж Олимпиадасында футбол додасы басталады

Бүгін, 24 шілдеде Парижде (Франция) жазғы Олимпиада аясындағы футбол бәсекелері басталады. Бұл туралы KAZ.NUR.KZ тілшісі хабарлайды.

Олимпиада ойындарында ерлер арасындағы футбол жарысына 16 команда қатысады. Олар 4 топқа бөлінген. Әр топтағы үздік екі команда плей-офф кезеңіне өтеді. Матчтарды Qazsport телеарнасынан тікелей эфирде көруге болады.

24 шілдеде болатын футбол жарыстарының кестесі (Қазақстан уақыты бойынша):

• 18:00. Аргентина — Марокко (В тобы);
• 18:00. Өзбекстан — Испания (С тобы);
• 20:00. Гвинея — Жаңа Зеландия (А тобы);
• 20:00. Египет — Доминикан Республикасы (С тобы);
• 22:00. Ирак — Украина (В тобы);
• 22:00. Жапония — Парагвай (D тобы);
• 00:00. Франция — АҚШ (А тобы);
• 00:00. Мали — Израиль (D тобы).

Айта кетейік, қазақстандық спортшылар Париж Олимпиадасын 25 шілдеден бастайды. Бірінші болып садақ атудан Қазақстан ерлер құрамасының өкілдері бақ сынайды.