Испания футбол құрамасы Франция астанасы Париждегі жазғы Олимпиада ойындарында алтын медаль жеңіп алды. Бұл туралы KAZ.NUR.KZ тілшісі хабарлайды.
Олимпиада ойындарындағы футбол турнирінің финалында Испания командасы Францияға қарсы ойнап, 3:5 есебімен жеңіске жетті.
Матчтың алғашқы голын Франция футболшысы Энцо Милло (11-минутта) соқты. Артынша испаниялық ойыншы Фермин Лопес 18 және 25-минутта мергендік танытып, дубль жасады. Кейін оның командаласы Алекс Баена (28') басымдықты арттырды.
Ал екінші таймда Франция құрамасы сапынан Магнес Аклиуш (79') гол салды. 90+3 минутта тағы бір франциялық футболшы Жан-Филипп Матета есепті 3:3-ке жеткізді. Негізгі уақыт тең аяқталып, матч экстра-таймға ұласты.
Экстра-таймда Испания құрамасының ойыншысы Серхио Камелло екі гол (100', 120+2') cоғып, командасына жеңіс сыйлады. Осылайша, испаниялық футболшылар Олимпиада чемпионы атанса, франциялықтар күміс жүлде еншіледі.
Айта кетейік, Морокко футбол құрамасы үшінші орынға таласта Мысыр командасын 0:6 есебімен жеңіп, Париж Олимпиадасының қола жүлдесін иеленді.
- Қазақстандық спортшы жартылай финалда сынға түсті
- Қазақстандық каноэшілер В финалында үшінші орынға ие болды
Мақаланың түпнұсқасы: https://kaz.nur.kz/sport/football/2147121-ispaniia-futbol-quramasy-parizh-olimpiadasynyng-chempiony-atandy/
