Футболдан Қазақстан ұлттық құрамасының бас бапкері Станислав Черчесов баспасөз мәслихатында ұлттық құрамаға футболшыларды таңдап алу тәсілін түсіндірді. Бұл туралы KAZ.NUR.KZ тілшісі хабарлайды.
Ресейлік маман Қазақстан футбол федерациясының президенті Әділет Барменқұловпен үнемі байланыста екенін атап өтті.
"Мен кейінгі кезде әйеліммен емес, онымен (Әділет Барменқұлов) жиі сөйлесіп жүрмін. Біз көп нәрсені талқылаймыз. Бірақ қандай да бір қорытынды жасау үшін елде бірнеше ай болып, футбол көру жеткіліксіз, көбірек қосымша ақпарат жинау керек. Біз көп мәселе бойынша сөйлесеміз. Ақырындап кейбір нәрселерді жақсартып, өзгертіп немесе қалдырмақпыз.
Біз жастар құрамасының жаттықтырушыларымен үнемі байланыстамыз. Өз жұмысымызды істеп жатырмыз, ойыншыларды іздеп, барлығын бақылауда ұстап отырмыз. Бірақ біз ұлттық құрамада өкпек жел жасап, бірінші, екінші құрама жасай алмаймыз. Олай болмайды. Ұлттық құрама – бұл белгілі бір идеяның айналасында жиналуы керек команда", - деді Черчесов.
Станислав Черчесов 6 қыркүйекте Қазақстан құрамасының бас бапкері лауазымында дебют жасайды. Бұл күні команда Ұлттар лигасы аясында өз алаңында Норвегияны қабылдайды.
Мақаланың түпнұсқасы: https://kaz.nur.kz/sport/football/2157627-aielimmen-emes-prezidentpen-kop-soilesemin-cherchesov-ulttyq-qurama-tizginindegi-zhumysy-zhaily-aitty/
